zuletzt aktualisiert vor

Vertellcafé to de 60er-Joahren in’t Kutschkerhues As wie Auto und Fernseher kreggen

Üm de 60er-Joahren, de Tied met vull Kinner, dat erste Auto und jede Menge näimodischk Tüch gäht bit plattdütschke Vertellcafe in Kutscherhues. Archivfoto: Clemens Korte.Üm de 60er-Joahren, de Tied met vull Kinner, dat erste Auto und jede Menge näimodischk Tüch gäht bit plattdütschke Vertellcafe in Kutscherhues. Archivfoto: Clemens Korte.

Lingen. Üm de Tied as wie in’t Emsland de Autos und Fernseher kreggen gäht dat bi’t plattdütschke Vertellcafé in’t Kutschkerhues van’t Emslandlandmusem. Dinsdag, 1. März, üm half dräi beginnt dat Spill. Koffie un Koken brengt Laumanns Martha för alle Mann met. Wie vertellt us wat ut de 60er Joahren up’n platten Lande.

Dat was de Tied, as use grauten Blagen noch kläine Kinner wören. Un düsse Kinner häbbt as erste merkt, dat in der 60er-Joahren nix mehr so was as fröher. Singen und lopen, dat wullen de Kinner nu nich mehr, läiwer Fernsehn kieken un met Auto föhren, nett so as de Lüe inne Stadt. Mamma kreeg in de Tied de erste Einbauköcke - met Kühlschrank un Iesfack. Un’n paar Joahre läter gawwt dann auk de erste Kühltruhe. Blickbüssen för Konserven und Weckgläser brukte se nu nicht mehr, un in de näimodschken Supermärkte in Lingen konn Mamma nu dat ganze Joahr Gefrierkost und frisk Flesk koopen. Sölwst Schwiene schlachten brukte man nu nich mehr. Oma konn met all dat näie Werk nich all to vull anfangen. Un wat da so in Hues un Köcke passeert is, dat vertellt us Laumanns Martha.

Well’t man eben betoalen konn (manch eene konnt auk nich!), de koffte sick in der 60er-Joahren en Auto. De lüttken Lüe erst moal ’n Gogomobil, DAF oder ’n VW-Käfer, de dicken Buern auk wol ’n grauten Mercedes - de den Anhänger trecken konn. Bloos Papa haar in de Tied den Führerschien. Mamma moss men bi öm met föhren und Papa froagen, as se in de Stadt oder naoh’n Frisör hen wull. Wat man met Papa, Mamma und dat erste Auto so belewen konn, doar giwwt so allerlei Döhnkes van to vertellen.

Dat eene mött Ih noch wetten: vör Eintritt,, Koffie un Koken mott man 7 Euro metbrengen. Un man sall sick auk vör’t Vertellcafé anmelden. Dat kann man bi’t Emslandmuseum in Lingen unner Telefon 0591/47601.


Weitere Angebote, Produkte und Unternehmen der noz MEDIEN